salamat sa mga donors

una sa tanan, sa Ginoo, Labaw’ng Makagagahum ug naghatag kanako sa grasya sa kinabuhi. Iya akong gilahutay ning beinte nuybe ka-tuig sa akong pagpahimuyong dinhi sa kalibutan. Sa kasakit ug kalipay, taliwala sa kangitngit, gihatagan na pud ko Niya ug dakong gasa karong tuiga. Tungod sa maong gasa, hinay-hinay na nako maaninag ang kahayag sa among kaugmaon.

ikaduha, sa mga tawo nga kanunay naa sa akong kiliran; sa akong ginikanan—sa ilang pagpangga ug pag-amuma kanamong tanan. sa suportang pinansyal, ilabina sa dihang na-ospital intawon ang akong pinalanggang anghel. sa akong mga igsoon—sa ilang makanunayong gasa sa ilang kaugalingon. sa pagtabang ug moral nga suporta, sa panaghigalaay ug uban pa. sa akong mga higala nga mga buotan pud: mga ka-berks, ka-barkada, ka-gimik, ka-chat, ka-text, ka-blog, kaiban—kabalo namo kung kinsa mo. sa sunod nalang ang beer bai ha. kape nga naa’y bailey’s naman gud akong tripping karon. nyahahahaha!!!

sa among salo-salo nga inato kaayo, nag handa mi ug suman samtang nag-atang sa engkwentro nilang Manny Pacquiao ug Erik Morales. unya sa paniudto naghanda mi’g soufflé, fruit salad, roasted chicken ug nag-salad ug ganas nga gi-dodo sa thousand island dressing. hehehe… dayon naa pu’y cake—pero wala nako naghuyop ug mga kandila. mao raba unta akong pinakakinaham nga parte. maghuyop ug kandila unya mag-wish dayon. ;-) sagdi lang, sa sunod tuig puhon.

ug pag-abot sa opisina, ang suman gihapon ang ilang gitabangan hangtud sa nahurot kini. pinakahalinon ang sumang binggala! salamat sa mga kamot nga naghanda ug sa mga donors!

hapi jud `to nga birthday. salamat, salamat!