ang sikreto sa kadaugan ni Manny Pacquiao

daw sa mihunong pagtuyok ang kamot sa Dakong Relo sa dihang nag-engkwentro si Manny Pacquiao ug Erik Morales didto sa boksinganan sa Los Angeles, California.

bisan asang dapita ka moadto— balay, tindahan, mall, karinderia, paradahan, ug bisan pa sa kainit sa sinag sa adlaw didto sa Plaza (kay nagbutang man ang City Government ug dagkong TV monitors didto), ang tanang tawo makita nimu nga hala gayud ang tutok sa TV aron manan-aw ug makighiusa kang Pacman.

ug tuod man, haskang biboha sa matag pundok! apan kung sa kadalanan ka moadto, makita nimu didto nga mura’g adlawng Biyernes Santo. Pipila lang ka sakyanan ang nagtabas-tabas, kadaghanan jud naka-garahe kay nag-atang sa maong engkwentro. gani matud pa sa nagbalita: bisa’g mga dautang tawo miundang usa paghimo ug krimen kay aduna pa sila’y gika-busihan: busy sila’g tan-aw boksing. POW! BOGS! YAAH!... hihihihi

ingon ana ka dako ang impluwensiya ni Pacman kanatong mga noypi. ug kung ugaling tinud-on niya ang iyang kandidatura sa pagka-mayor karong umaabot nga pinili-ay SIGURADO na ang iyang kadaugan!

grabe ka Pacman! pwerte nakong iboga sa imong dakong mansion nga duna pa ju’y swimming pool nga korte ug boxing gloves. hurot jud akong bilib sa imong kasikat…PERO, kabalo ba mo sa DAKONG SIKRETO sa iyang kadaugan?

ALAXAN? DATU PUTI? SMB?...

`di oi. sa motuo mo’g sa dili isa ra ang sikreto ni Pacman: ang petsa sa ilang engkwentro—Nov. 19. swerte kining petsaha. tungod kay mao kini ang akong adlaw’ng natawhan. Busa tulo ka rounds lang, g-TKO na ni Manny si Erik.

oi, Pacman, birthday gift nako beh! balato pud diha! ahihihi :p