adto tagpanaw na siya

adunay nag-boluntaryo sa pagpalakaw kanako ngadto sa dakong siyudad sa manila. gipahimuslan nako ang programa nga GO FARES sa cebu pacific airlines mao nga sama sa tiket sa barko ra ang kantidad sa akong pamasahe sa pag-adto nako sa manila. ania ilang website, aron kamo usab maka-discount pud mo: http://cebupacificair.com/ public service ni mga peeps!

lima ka tuig pa lang sukad sa akong katapusang bisita sa lungsod sa manila apan dako na ang kausaban didto. progresibo na kaayo. naa ang bag-ong dakong mall nga gitawag SM Mall of Asia. mas dako pa kaysa SM Megamall. ang Makati hapsay kaayo modala sa ilang pamalaod, ug matud pa, strikto sila sa pag implementar niini mao nindot mopuyo didto. ang Ortigas mao ang sentro sa mga call center. ang Timog-- ang tambayan sa night life. pero ang trapik walay kabag-ohan-- mao ra gihapon labina sa SLEX. bumper to bumper. haay. matud pa nila, u can’t have the best of both worlds at the same time. super lingaw lang gayud hinuon ko sa akong pagbisita didto. chikahan sa mga ka-berks nga karon mommies and daddies na pud. chikahan hangtud kadlawon kay namawi sa mga panahon nga wla nagka-istoryahanay. paresay sa mga ka-anakan. hehehe. unsa mi intsik? =) si yessa daw ug si keith. hala beh, tan-awon daw nato kung bagay ba sila...










ug busa wala hinuon ko naka-lahus sa eLBi aron pagtambong sa gi-ila nga KAIBAN FINALS tungod sa maong trapik. sa sunod tuig nalang puhon, oki doks mga peeps? =)

nia pud ang isa sa akong gi-kalingawan didto: The Medical City todo-hanga ko sa ka-state of the art nianing hospitala. barato lang man ilang room rates didto, PHP 1500-1800 a day. labaw sa tanan, dili sila mangayo’g deposit inig check-in nimu. first class service ug first class amenities jud ang naa diri. unta ing-ani tanang hospital diri sa `pinas. aron dili na mang-abroad adtong mga nurse, ug dili na mang-nurse ang mga doktor.peace sa mga na-igo! hehehe ;P

si anne aileen nahinanok pag ayo mao iya kung gi-injan didto sa Megamall… hehehe, ;P…si grethel hinuon akong naka-chika whole half-day. sa bata pa nga edad beinte-otso, financial consultant na siya sa usa ka opisina sa quezon city. ug siyempre ang akong suod nga higala nga si lenin ang akong hostess sa akong byaheng maynila. ug tuod man, sakto akong hinala. naa na pud ko’y umaabot nga inaanak. girl na pud `tol ha!… himamata ninyo sila pina-agi sa ilang friendster account. hehehe. pero kamo nay search ha ;-)

ang eksena didto sa balay paglakaw nako mao kung adunay mangita kanako ang tubag nga ilang madungog: "adto tagpanaw na siya". nyehehe ;P gakakurat ang makadungog. unsaon nga adunay dugong surigaonon man ang nakatubag. pasensya na ha.

sa martes pa nako mahibalu-an ang resulta sa akong tumong ug tinunga didto sa manila. pahibal-on nalang ta mo puhon ha. ayo2 peeps! sa sunod na pud ha!