Prince 03 Pure White
ang tennis racquet sa akong damgo: tsada ayo noh? murag white lady. murag ako. :p

ka-ubo pud ka sa presyo ani. $220 daw. Ginoo ko, hatagi unta ko’g mga tao nga adunay bulawanong kasingkasing nga manghatag kanako aning nga raket. may unta'g naa! hehehe… matud pa skong amigo nga si hans, simple ra ang solusyon sa problema nga wla’y raket – magpalit!!! kana lagi, hans, kung naa’y ipalit. ang problema kay wala man. so magpuyo nalang ko ani. usa rako modula inig duna nako’y raket. bitaw oi, ni-retire naman gud akong Wilson Triad 6. ako ra ba unta tong one and only first love. so karon love hunting, este, raket hunting na pud akong beauty. ahihihi=)

nagpahigayon ug isa ka tennis tournament niadto May 12-14 ang local nga kagamhanan sa malaybalay isip isa sa mga kalihukan sa kapistahan ni San Isidro Labrador. bag-o lang nahuman ang PHILTA sanctioned age-group tournament, diin mi-dula ang akong bantugan nga manghud—si joko. mao kadto iyang primero nga pag-apil sa nasugyot nga panag-dulaay. salamat sa Ginoo, ug sa iyang paningkamut niabot siya sa 2nd round, diin napildi siya sa eventual champion nga taga Tacurong (o Sultan Kudarat ba `to, kalimut ko oi!). magpa-tambuk daw si joko aron sa sunod siya na ang champion =)… gi-sugdan niadtong biyernes ang 30-above doubles tournament na ala-davis cup ang ruling. kulang sila ug baye—unsaon nga either buntis, bag-o lang nanganak, or ni-abroad ang mga bantugan nga baying tennis player. hehehe. na hala, dili gayud mo mang daug ana kay wala mo’y babaye nga pairing. better luck next year guys! sunod tuig nako mo-dula kay sunod tuig pa moabot and tennis racquet sa akong damgo =) (hinaut pa unta)

karong adlawa naa na pud tournament didto sa highways ug ni-apil ang akong kinakusgan nga manghud. tsikahan nalang mo nako puhon sa mga panghitabo. swerte mo kung naa’y pics nga akong makuha! =)