isa na ka tuig akong prinsesa!!!


nagsaulog mi sa adlawng natawhan ni yessa niadtong april 12. sayo sa buntag, nibangon ko walay pa’y 5:30 am aron maka-simba sa first mass sa cathedral. daghan ko’g angay pasalamatan sa akong kinabuhi labina kay niabot na ug isa ka tuig ang akong pinalanggang prinsesa. dad-on unta nako sa simbahan si yessa pero nahinanok paman mao gibilin ko nlang sa balay. kadtong buntaga mao ang unang buntag nga mi-mata siya ug dili ako ang una niyang nakita. pag-abot nako gkan simba, daw sa wla man ko niya na-miss kay pwerte man niyang lipaya ug dinula kauban iyang paboritong uncle joko. sa umaabot nga mga adlaw puhon mahiluna na gyud cguro si yessa nga malayo ko ug pila ka oras aron mag-trabaho. syempre kinahanglan na gyud ko mag-double time sa trabaho aron mahatagan nako siya ug maayong kaugmaon.

ang iyang birthday party naka-sked sa alas-3 sa kahapunon. na-busy intawon ang beauty ni mommy ug kadali… simple ra man akong gi-prepare: spaghetti (pampahaba ng buhay), fried chicken (kay mao man kinaham sa mga chikiting), chocolate cake nga akong gipa-decoretan ug Cinderella (Belle unta to pero out of stock man sila—kay Belle biya na si Yessa… as in belle—beautiful! heheh! :-) ), ice cream dayon ug drinks. gikilatan ra ang pagkaon uy--- kay purya buyag man pud mangaon ang mga bisita sa akong prinsesa—mga ambungan nga batang lalaki! except kang baby Zea, siya ra’y bayi.

dako akong kalipay ug kakurat sa dihang mihatag c yessa ug intermission dance number! pwerte man niyang sumayaw sa kanta nga Sayaw Kikay (nga among gi-kanta nga Sayaw Yessa!).



pagka tsada tan-awon sa iyang sampot nga iyang gi-labyug-labyog! pagkalingaw tan-awon sa baby nga nag-kiay-kiay sa tumang kalipay! basta, na-entertain lagi iyang mga bisita. nakadawat gud siya isa ka lanug nga palakpakan!

syempre, nitawag si Lola Mayet. kinahanglan daw magpalit ug balloons. ang iyaha daw’ng regalo on the way pa. yippee! si auntie rhea ug auntie tesay mi-greet sab sa text. ang iyang daddy ni text nlang pud kay nagpalit mi ug balloons pagtawag niya. pagka ugma nlang siya nagpalit ug ice cream! tenk u, tenk u sa mga donors sa birthday ni yessa!