gugmang gi-atay,

kalisod nimu kalimtan.

padayon sa pagtuyok ang kalibutan

apan sa wala na ko damha

ang atong kagahapon

nga sa akong pagtuo

ako nang gilubong sa limut

dali rang nabuhagay

sa kangitngit sa kadlawon.

intawon,

kanus-a pa man matapos

ning akong mga bangungot?

sultihi ko:

unsaon ko pagkalimut

kung ang nagapahinumdum

mao man, ania,

gaalindasay , kay

giduyogan man

sa akong

laylay?

pakighimamat sa mga chikiting

sa dihang nagsaulog ang akong amiga nga si matet sa iyang adlaw’ng natawhan, naimbitahan kami sa pagduaw sa ilang yanong panimalay. ug sa labing unang higayon nagkahimamat ang among mga chikiting. ambot kung kining mga bata-a mahimong mga future Isidrans. dependi sa budget =)

sa ilang panagdula, hingpit silang nagkasinabot bisan ug sagul-sagol bisaya, ininglis, tinagalog, hiligaynon nga pinulongan masabtan nilang tanan.

sa naandan na, si Yessa ang “kina” na pud: kinamanghuran, kinagamyan, kinagwapahan, kinabuotan….

“ngano nagkusmod man nang imong sim0d yeng?”…

“wala man gud akong nanay…”

zean: “ako ni!”

si yessa nakigtambay sa mga bugoy...

alang sa dugang mga hulagway bisitahi ninyo

akong payag sa multiply ug sa kang matet pud nga multiply.

`tet, salamat sa pics! sa sunod beerday na pud ha. ahihihi. =)

usa ka adlaw sa kinabuhi nako…

ordinaryo rman tung adlawa. apan daghan ang panghitabo.

sa pagsakay pa lang nako sa usa ka PUJ, nahimugso na ang mamahimong tema sa maong adlaw.

si bosing (actually ex-boss nako) ni-ingon: nadungog si kuan nga kuan.

mitubag ko nga: mao ba boss? dawbeh, tinuod o dili?

ingon siya ug ambot kay wala na daw sila nagkita.

ngeek.

unya, sa dihang pauli nako gikan nag-jogging, naka-tagbo nako si tata. ingon siya: hoy, wala lagi ka niadto sa balay adtong miyerkules!

mi-esplikar ko ngano.

mao dayon nga nakita nako si daryl. as in si daryl the traffic enforcer. mi-hi siya. naa sya’y kauban mao wala mi ka-chika. apan makita ko sa iyang mga mata nga duna pud unta siya’y i-sulti.

nagpadayon mi ug chika ni tata. kadiyot rman unta to. pero daghan sya’g gi-istorya. maka-kurat. pero wala nako nakurat, kay kabalo nako. gi-ingnan na biya ko ni bosing. sa ato pa, tinuod jud diay.

pagka-hapon, ako na gayud mismo ang nakakita. hahay! ligoy2 pa jud, niara man diay ebidensiya. syokoy kaayo! hehehe

pero sa wala pa nangahitabo ning mga eksenaha, na-teksan nako ni baray mga tulo ka adlaw na ang niagi. iya nakong napahibalo mahitungod sa isyu. kay siya pud mismo naka-kita. actually naka-jamming niya sa inom. busa siya pud duna’y ebidensiya.

mao lagi nang ilang gi-ingon: maila-ila nimu ang isa ka tawo diha sa iyang mga amigo. abi nako but-an to, dili man diay. maayo nalang kay nasakpan samtang sayo pa. kay wala biya aso nga makumkom. mogawas ra gihapon ang mga sikreto. paabuta lang nga moabot ang usa ka adlaw sa imong kinabuhi nga mabulgar ang tanan.

SA MAKASABOT LANG (mangatawa sa ta bai)

Usa ka Amerkanong peace corps ang miadto sa layong barangay aron makigsulti sa mga katawhan. Si Juan mao ra ang makamao og makasabot sa ininglis, mao nga siya ang gihimong interpreter.

AMERKANO : "Good morning ladies and gentlemen".

JUAN : "Maayong buntag sa mga babaye ug mga lalake".

AMERKANO : " I'm very happy that I'm here in your place."

JUAN : "Akong dakong kalipay nga ania ako sa inyong lugar"

AMERKANO : "I know..."

JUAN : "Nakahibawo ako...."

AMERKANO: "...that all of you are THOUGHTFUL..."

JUAN : " ...nga kamong tanan DAGKOG NGIPON.."

AMERKANO : .....that all of you are FAITHFUL..."

JUAN: ".... nga kamong tanan DAGKOG TIIL..."

AMERKANO: "... and that, all of you are PEACEFUL..."

JUAN : "...nga kamong tanan DAGKOG NAWONG..."

Nabungkag ang meeting....nanglupad ang mga bato....=)