mag hisgot ta’g mahitungod sa blogging

duna nay Blogger Beta!!! matud pa nila mas nindot daw ning Beta… mas sayon.. mang hack. hehehe. apan, sa pagkatinuod, dili ko mobalhin sa Blogger Beta. kay ngano? nia akong nga rason: dili ka maka-bilin ug comments sa mga non-Beta blogs kung Beta blogger ka na. (makabilin ka pero anonymous ka: naa ko’y maikasulti bahin aning anonymous commenting, basaha ninyo diri) kapoy na kaayo magbalhin sa Beta unya mag-maintain ug duha ka blog sa blogger, isa ka beta, ug isa ka non-beta. daghan na kaayo ko’g blog kung buot huna-hunaon. dili na nako ma-apas. ang uban nga detalye mahitungod niini makaplagan dinhi nga Blogger Buzz post.

nahimutang na ang akong reader stats (courtesy of Feedburner), magsilbi kini nga back-up sa akong Statcounter. paits kaayo ning feedburner kaily daily ang tracking sa reads, sa mao nga paagi masayran nako kung aduna ba'y nakasalagma pagduaw niing akong blog (sama ni manzkee: salamat sa pagduaw bai!)

ang akong sunod nga pagabuhaton mao ang ginatawag nga label clouds. untana mahuman nako ni karong semanaha. pero kay singit-singit ra man lagi ning akong blogging, busa sa kung maka-lugar nalang ko. yuna pa, mas tsada KUNO ang Sitemeter kaysa Statcounter? unsa’y inyong maikasulti?

ug aduna ko’y bag-ong nadiskubrehan. dili ka makabuhat sa imong gusto sa Multiply na mga blogs. (ug ang ads na naa didto ilaha nga ads, dili ako-a. unsa nalang pulos sa akong google adsense?) sama ra man intawon ang multiply sa Friendster oi, mas user-friendly­ lang ang Multiply para sa ako. pero kay mas sikat man ang Friendster kaysa sa Multiply mao nag-mantenar nalang ko. hehehe. Tuod pa, sa mga interesado, ni-undang nako ug blog sa Friendster, ug sa Multiply pud sugod karon, kay naka-plagan nako ang Wordpress.

Nag-dula2 lang ko sa mga sidebar widgets ug mura na ug tinuod ang akong Wordpress blog ;p Pero under construction gihapon ang tinuod nga status ato, sama niani nga blog. Kanunay nga under construction kay kanunay man nga naay bag-o nga moabot. mas nindot gyud unta ang Typepad apan dili libre, as in not free. kanang libre man gyud ang akong apason, syempre di ba? =) pud sugod karon, kay naka-plagan nako ang Wordpress

samtang naghisgot ta mahitungod aning blogging, mituyok ang ligid sa akong utok ug nanghimuyong ko sa makadiyot. naka-pangutana ko sa akong kaugalingon: unsa may binisaya sa pulong nga blogging? kamo, kabalo mo?