si Pilo, ang tigulang nga bakol ug ang Sexbomb Dancers
duha ka kanta ang kanunay nako madunggan sa FM matag sayo sa buntag.
kini ang pipila sa mga lyrics sa isa ka kanta:
“kini jud c pilo
kanunay mangilad
minyo na pero kundatan…
c pilo (3x) nag damgo
c pilo (3x) nga pagka guatchinanggo
c pilo (3x) kaslunon naman diay kadto
ngano man Pilo nga di ka man makuntento
kabalo na ko sa imong mga sekreto…”
kining kantaha naghatag kanako ug ideya. ang mga lalaking adunay kinaiya nga sama ni Pilo sa kanta (sama ni kabalo na mo) pagatawgon ko ug Pilo sab. Tan-awa gani ang fonbuk sa akong celfon kay c Pilo na ang ngalan ni kabalo na mo. Unya ang numero sa iyang uyab? Gipanganlan nako ug Uyab ni Pilo sa akong fonbuk. shhh, ayaw saba ha. sekreto ra nato ni. ahihihi. :p
kini pud dayon ang lyrics sa ikaduha nga kanta:
“ang tiguwang bisa’g bakol
maningkamot mobarog, mobarog aron mo-labyog…”
sigurado ko sounds family kaayo ni nga kanta. lakas ni karon sa kahanginan diri sa among lugar. haskang bati-a raba sa lyrics pero grabe ka-catchy ang tuno mao nga #1 ni sa nag-inusarang FM diri. censored actually ang lyrics ani. dili nako ginapamati si yessa aning kantaha. kay ako ra, dako naman gud ko =)
samtang naga-hisgot nako kang yessa, padayunon ko nalang akong nasugdan. pastilan bata-a!!! sexbomb dancer in the making man ning akong dalaginding! sus, kung maka-sayaw, na ambot nalang. lupigan si Rochelle. spaghetting pababa iyang paborito. ug kabalo gayud siya mo-pababa! ang pataas mao’y kinahanglan pa niya praktisan. kabalo pud siya mo-otso-otso! ingon pa nila, “dancerous man diay ning imong gwapita aims”. buyag! naliwat gud sa giliwatan.
kasal ni wewe niadtong sabado. pero kami ni yessa sa manghihilot ni-adto. unsaon nga pwerte man kaluhagan pud buyag ni yessa oi. maayo nalang kay wala ra natandog ang iyang pi-ang. pero naa jud siya’y gibati, kay mag-sige raman ug langee sa ako. sama adtong pista ni San Roque (actually pista diri sa among barangay), dili magpabutang, dili magpabiya, ug uban pa. kapoy kaayo mag-asikaso ug bisita nga duna’y ga-arte. maayo nalang kay naa akong sis-in-law. sa tinuod lang, lahi naman gud ning edad-edaran na ta. daghan na’y bati-on sa kalawasan. karon ko lang ni paga-angkonun busa taga-i intawon ninyo ug igong pagtagad. (seryoso ko bai!)
na hala, sayo na pud ko mo-biyahe ugma raba. atangi nalang ang sunod nga Yawyaw Sa Kahanginan. (ngeeek, mura ko’g announcer sa dxmb!)
yuna pa, palita tuod ninyo ang Pinoy reggae compilation CD nga Island Riddims -- nia diri ang mga kanta sa mga bantugan nga reggae ug ska Pinoy bands sama sa Jr. Kilat, Skabeche, Gaucho, Bambu Spliff, Brown Men Revival ug daghan pang uban. choy ni nga album!!!
Posts
